ڪراچي: عوامي نيشنل پارٽي سنڌ جي صدر شاهي سيد چيو آهي ته ڪراچيءَ جا عوام پاڻيءَ جي ڦڙي ڦڙي لاءِ ترسي رهيا آهن، جڏهن ته شهر کي ٽينڪر مافيا جي حوالي ڪيو ويو آهي. شهري پنهنجي گهريلو ضرورتون پوريون ڪن…
لوئر ڏکڻ وزيرستان جي ڊپٽي ڪمشنر موجب سرحد پار کان فائرنگ ۽ مارٽر گولو انگور اڏي بازار ۽ ڀرپاسي گهرن تي ڪريو، جنهن ۾ هڪ شهري جان بحق ۽ هڪ ئي خاندان جا پنج ڀاتي زخمي ٿي پيا. ڪيترن ئي دڪانن کي به نقصان پهتو.
سنڌ جي گهرو وزير ضياءُ الحسن لنجار ڊي آءِ جي سائوٿ کان ان وائرل وڊيو بابت رپورٽ گهرائي آهي، جنهن ۾ بظاهر هٿياربند ماڻهو ڊفينس جي مختلف علائقن ۾ ويندڙن کي هٿيارن جي زور تي ڊيڄاري رهيا آهن.
سنڌ ۾ پاڻي ۽ زمين جي حساب ڪتاب بابت ايف اي او جي هڪ تحقيق موجب صوبي ۾ واهن جي پاڻي جي ورهاست جو پراڻو موسمي نظام هاڻي پاڻي جي دستيابي ۽ پهچ تي ٻڌل نظام ۾ بدلجي چڪو آهي، جنهن ڪري انتظام وڌيڪ پيچيده ٿي ويو آهي.
ڪراچي پريس ڪلب ۾ پريس ڪانفرنس دوران منتظمن اعلان ڪيو ته ٻن ڏينهن واري سنڌ انرجي اينڊ ڪلائميٽ ڪانفرنس 3 ۽ 4 نومبر تي ٿيندي.
پيپلز پارٽي جي چيئرمين بلاول ڀٽو زرداري اڱاري تي ڪراچي جي علائقي لياري ۾ هڪ تقريب سان خطاب ڪندي چيو ته سنڌ اسيمبلي نئين صوبي جي مطالبي جو معاملو ختم ڪري چڪي آهي ۽ سنڌ جي مستقبل جو فيصلو رڳو سنڌ جا ماڻهو ئي ڪري سگهن ٿا.
وفاقي وزير توانائي اويس لغاري چيو آهي ته حڪومت ان طريقي کي ختم ڪرڻ تي ڪم ڪري رهي آهي، جنهن تحت هڪ مهيني ۾ 200 يونٽن کان هڪ يونٽ به وڌيڪ استعمال ڪندڙ صارفن کي ايندڙ ڇهن مهينن تائين وڌيڪ اگهه تي بل ڏنو وڃي ٿو. اهو معاملو مسلم ليگ (ن) جي سينيٽر عابد شير علي اٿاريو هو.
پاڪستان مطالبو ڪيو آهي ته گڏيل قومن جي سلامتي ڪائونسل جي مستقل ميمبرن کي مليل ويٽو جو اختيار ختم يا محدود ڪيو وڃي، ڇاڪاڻ ته ان جي استعمال سبب ڪائونسل اداري جي سطح تي جمود جو شڪار ٿي چڪي آهي.
